Иран ги осуди новите санкции на САД

Сподели со своите пријатели

Иран денеска остро ја осуди одлуката на САД да воведат нови санкции против иранското Министерство за разузнавање поради обвинувањата дека е одговорно за широко распространети сајбер напади во Албанија.

Loading...

Албанија, балкански сојузник на САД и НАТО, ги прекина односите со Иран на 7 септември, обвинувајќи ја земјата за сајбер напади кои сакаа да ја уништат компјутерската инфраструктура на владата во јули, но кои, според Тирана, не успеаја.

ПРОЧИТАЈТЕ И:  Иран: Формиран специјален суд за демонстрантите

САД вчера најавија воведување санкции кои првенствено се насочени кон иранското Министерство за разузнавање и министерот Есмаил Катиб, обвинувајќи го за надгледување на повеќе сајбер шпионажа и хакерски мрежи ширум светот.

Иран ги оцени како неосновани обвинувањата за сајбер напади во Албанија и прекинот на дипломатските односи меѓу Албанија и Иран го нарече „непромислено и лошо“.

Во изјавата, портпаролот на иранското министерство, Насер Канани, рече дека Иран „цврсто ја осудува одлуката на Министерството за финансии на САД да воведе нови санкции“ врз иранското Министерство за разузнавање.

ПРОЧИТАЈТЕ И:  Камала Харис и Јун Сук Јол ја осудуваат нуклеарната реторика на Северна Кореја

„Брзата поддршка на Америка за лажното обвинување на албанската влада… покажува дека креаторот на сценариото не е Албанија, туку американската влада“, рече тој.

Тој, исто така, ги обвини САД дека обезбедуваат целосна поддршка на терористичката секта, како алузија на движењето Народни муџахедини, опозициска група во егзил, забранета во Иран.

Од 2013 година, Албанија прими, на барање на САД и ОН, членови на групата Народни муџахедини.

Loading...

„Таа криминална организација делува како една од алатките на Америка за извршување терористички акти и сајбер напади“ против Иран, рече иранскиот портпарол.

ПРОЧИТАЈТЕ И:  Започна судењето на бизнисмен обвинет за финансирање на геноцидот во Руанда