Инстаграм ја редизајнираше почетната страница

Сподели со своите пријатели

Инстаграм доби нов дизајн на почетна страница за прв пат по пет години.

Loading...

Најзначајната промена е секако додавањето на картичките Reels и Shop на нив, што јасно ги покажува приоритетите на компанијата.

Како што многу корисници можат да видат, овие иновации се наоѓаат на дното, каде порано имаше други опции, префрлени од сега на самиот врв на страницата.

Јасно е дека оние кои доаѓаат да го користат Инстаграм како досега, ќе се снајдат со новостите, а можно е да бидат заинтересирани за тоа што точно се нуди зад „Reels“ или во „Shop“.

– Ние не ги сфаќаме овие промени лесно. Не ја ажуриравме почетната страница на Инстаграм на толку значаен начин многу години. За тоа време, корисничките култури и навики се променија и би ризикувале да изгубиме чекор, можеби да станеме ирелевантни, чекајќи понатаму. Возбудени сме за новиот дизајн и веруваме дека тој беше очајно потребен. Во исто време, без оглед на промените, останавме верни на нашите вредности во однос на едноставноста – рече Адам Мосери, првиот човек на Инстаграм.

Што се однесува до „културата и навиките на корисниците“, првенствено се мисли на „ТикТок“, поради што беше воведен „Reels“.

Станува збор за кратка видеосодржина, која со години имавме можност да ја видиме на сега веќе непостоечкиот Vine, кој очигледно беше пред своето време.

Се разбира, Reels не е единствениот одговор на конкуренцијата што ја освои помладата публика со своите иновации и оригинални потези. Тука се мисли и на Snapchat.

Loading...

Платформата одговори на сите овие предизвици, брои милијарди нови објави дневно, има стотици милиони активни корисници и соборува рекорди месец по месец.

Што не е изненадувачки со оглед на тоа што зад Instagram стои Facebook. Но, такво нешто може да биде и меч со две острици, ако не е направено како што треба.

Во тоа можевме да се увериме по серијата неуспеси на Гугл и Мајкрософт во однос на социјалните мрежи и платформите за пораки, односно различна содржина.


Leave a Reply

Your email address will not be published. Required fields are marked *