Индија пишува историја: Роверот излезе и ќе го истражува јужниот пол на Месечината

Сподели со своите пријатели

Лунарниот ровер утринава тргна од индиското вселенско летало Чандрајаан-3 за да започне со истражување на површината на Месечината, објави националната вселенска агенција на социјалната мрежа Х, порано позната како Твитер.

Loading...

Леталото слета на неистражениот Јужен пол на Месечината во средата навечер, неколку дена по падот на руското вселенско летало Луна-25, со што Индија стана првата земја што го стори тоа.

„Роверот Ch-3 слезе од лендерот и Индија одеше по Месечината! соопшти Индиската организација за вселенски истражувања (ISRO).

Ова е втор обид на Индија да слета на Месечината, а на него потроши приближно 6,15 милијарди рупии (околу 68 милиони евра).

ПРОЧИТАЈТЕ И:  Канада: Најмалку 25.000 луѓе принудени да се евакуираат поради пожари

Лендерот од претходната мисија Чандрајаан-2 се урна во 2019 година.

Чандрајаан значи „Возило на Месечината“ на хинди и санскрит.

Се очекува да биде во функција две недели

Јужниот пол на Месечината е интересен поради водениот мраз, за ​​кој се верува дека може да обезбеди гориво, кислород и вода за пиење за понатамошни мисии, но поради грубиот терен, слетувањето на него е тешко.

Луѓето ширум земјата го гледаа слетувањето во средата, при што речиси седум милиони го следеа преносот во живо на YouTube.

Loading...

Се одржуваа молитви во храмовите, а училиштата организираа учениците да го гледаат преносот.

Chandrayaan-3 се очекува да биде во функција две недели, а ќе спроведе експерименти кои вклучуваат спектрометриски анализи на минералниот состав на површината на Месечината.

ПРОЧИТАЈТЕ И:  Девет лица загинаа во близина на Фокландските Острови