Индија го ограничува извозот на ориз

Сподели со своите пријатели

Индија го забрани извозот на скршен ориз и воведе извозна давачка од 20 отсто за другите видови жито за да се обезбеди снабдување на граѓаните и да се ублажи растот на цените на домашниот пазар, кои беа поттикнати од помалку засадените површини поради слабите монсунски дождови.

Loading...

Индија е најголемиот извозник на ориз во светот и го продава во повеќе од 150 земји, така што намалените залихи ќе го зголеми притисокот врз цените на храната, кои веќе растат поради сушата, топлотните бранови и руската војна во Украина.

Царините ќе влијаат на белиот и кафеавиот ориз

Подпросечните врнежи од дожд во главните региони за производство на ориз во Индија, како што се Западен Бенгал, Бихар и Утар Прадеш, ја зголемија загриженоста за производството.

ПРОЧИТАЈТЕ И:  Објавена причината за смртта на кралицата Елизабета

Оваа година Индија веќе го забрани извозот на пченица и ја ограничи испораката на шеќер, потсетува Ројтерс.

Вчера Њу Делхи целосно го забрани извозот на скршен ориз, кој група сиромашни африкански земји, како Сенегал и Џибути, го увезуваа за човечка исхрана.

Најголем клиент беше Кина, која лани увезла 1,1 милион тони, а главно го користи за добиточна храна.

Владата денеска воведе царина од 20 отсто и за извоз на други видови ориз, со исклучок на варениот ориз и басмати.

Царините ќе влијаат на белиот и кафеавиот ориз, кои сочинуваат повеќе од 60 отсто од извозот на Индија, рече претседателот на Асоцијацијата на извозници на Индија, Кришна Рао.

Loading...
ПРОЧИТАЈТЕ И:  Северна Кореја истрела уште една ракета

„Клиентите не можат да платат 20 отсто повеќе од договорената цена“

„Поради царините, индискиот ориз повеќе нема да биде конкурентен на светскиот пазар. Купувачите ќе се префрлат на Тајланд и Виетнам“, рече Рао.

На Индија отпаѓа повеќе од 40 отсто од глобалниот извоз на ориз, со конкуренција од Тајланд, Виетнам, Пакистан и Мјанмар.

Извозот на Индија би можел да падне за најмалку 25 отсто во следните месеци поради царините, изјави извршниот директор на најголемиот индиски извозник на ориз Сатјам Балаџи Химаншу Агарвал.

Извозниците бараат Владата да обезбеди одредено олеснување за веќе потпишаните договори за извоз.

„Купувачите не можат да платат 20 отсто повеќе од договорената цена, а дури и продавачите не можат да си дозволат да ја платат таксата. Владата треба да ги ослободи веќе потпишаните договори од таксата“, рече Агарвал.

ПРОЧИТАЈТЕ И:  Септемвриската пензија повисока за 6.8 проценти

Индија минатата година извезла 21,5 милиони тони ориз

Извозот на ориз во Индија достигна рекордни 21,5 милиони тони во 2021 година, повеќе од следните четири најголеми светски извозници на жито, Тајланд, Виетнам, Пакистан и САД, заедно.

Досега, Индија беше убедливо најевтиниот снабдувач на ориз и тоа до одреден степен ги заштити африканските земји како Нигерија, Бенин и Камерун од порастот на цените на пченицата и пченката, рече неименуван трговец од Мумбај во глобална трговска компанија.

Досега поскапуваа сите земјоделски производи, освен оризот, а сега им се придружи“, рече тој.

Loading...

Сите информации за економско-енергетската криза во светот можете да ги прочитате ТУКА.