Родителите на малезиското момче не биле изненадени кога нивниот син добил покана од Менса да им се придружи. Тие отсекогаш знаеле дека тој е посебен.
Тригодишно момче од Малезија кое живее во Велика Британија стана најмладиот член на Менсеа, најголемата и најстарата меѓународна заедница на високоинтелигентни луѓе во светот.
Мухамед Хариз Наџим бил поканет да и се приклучи на организацијата откако зборувал со психолог и освоил 142 поени на тестот за интелигенција „Стенфорд-Бинет“, каде освоил просечна оценка од 99,7 од 100 поени, јави Си-Ен-Ен.
Тој е очигледно многу паметно момче и ние сме среќни што можеме да му посакаме добредојте – рече Џон Стивенџ, извршен директор на британска Менса.
За да може некој да стане член на британската Менса, тој мора „да покаже дека според коефициентот на интелигенција тој е во врвот од два проценти од светската популација“, велат тие на нивната официјална веб-страница.
Тестот на Менса, кој се прави под надзор, е создаден за деца постари од десет и пол години.
За деца под 10 години, потребна е посета на психолог, што го одредува нивниот коефициент на интелигенција.
Покрај психолозите, на одлуката да се покани Хариз во Менса значително влијаел и неговиот резултат на тестот Стенфорд-Бинет, кој се состои од комбинација на математички, јазични, мемориски и логички задачи.
Мајката на Хариз, Нур Анира Асаикин, која работи како инженер во Дурам, Англија, вели дека нејзиното семејство знаело дека тој е специјален пред да го добие повикот за Менса.
Во дополнителното училиште каде одел на часовите за читање и математика во септември, Хариз бил пофален за неговиот извонреден напредок во двете области. Сепак, по сите други работи, тој е обично момче.
– Тој е повеќе или помалку типично тригодишно момче. Таа сака да слика и чита книги и сè во врска со уметноста. Особено ги сака Лего коцките и пластилинот. Ние сме горди на него и среќни за него. Тој не е добар само во академските вештини, туку и сака да игра, како и сите други деца. Знаеме дека во иднина општеството ќе добие многу од него – вели неговата мајка.
This 3-year-old just became the youngest member of Mensa UK, the largest and oldest international high IQ society in the world https://t.co/t97CBKHKl5 pic.twitter.com/WX3qoPI1u5
— CNN (@CNN) January 22, 2020