Харадинај: Дијалогот со Србија треба да заврши со взаемно признавање

Сподели со своите пријатели

Косовскиот премиер Рамуш Харадинај смета дека дијалогот со Србија треба да заврши со взаемно признавање.

Според него, Косово е фактор на мирот и стабилноста и пример за добрососедство и е ангажрано во дијалог со сите земји во регионот.

На официјалната средба со американскиот сенатор Рон Џонсон, на која присуствуваа и заменик премиерот Далибор Јевтиќ и американскиот амбасадор во Косово, Грег Делави, стана збор за актуелните политички случувања во Косово, за поддршката на САД, посебно во економскиот развој  и спроведување на законот.

Харадинај ја истакна потребата за понатамошна поддршка во сите процеси низ кои минува Косово.

– Американската поддршка е многу важна за нас. Косово и неговиот народ секогаш ќе бидат благодарни за помошта што САД и американскиот народ ја дадоа во сите периоди, изјави  премиерот Харадинај.

Тој додаде дека Косово е посветено на својот евроатлантски пат преку продлабочување на домашните реформи, посебно во областа на владеењето на правото и одржување на редот, како и во зајакнувањето на демократските институции.

Џонсон, според соопштението од кабинетот на Харадинај, изјави  дека САД ќе продолжат да бидат моќен поддржувач на економскиот и демократскиот развој, како и консолидацијата на градењето на косовската држава.


Leave a Reply