Северниот дел на Индија во последните денови е зафатен од студен фронт, кој целосно го наруши секојдневието во тој дел од земјата, јавува Би-Би-Си.
Температурите паднаа под -6 степени целзиусови, поради што локалните власти во погодените области побараа од училиштата да го продолжат зимскиот распуст и да ја откажат наставата.
Посебно се погодени областите во близина на Њу Делхи и Кашмир.
Надлежните ги предупредија граѓаните да не излегуваат од домовите поради густата магла.
Воздухот во Индија е екстремно загаден во последните месеци, а ваквото време уште повеќе го влошува.
Индијците поради густата магла имаат проблеми во сообраќајот. Возовите доцнат, луѓето не стигнуваат навреме на работа, а стотици летови се откажани поради слабата видливост.
Експертите тврдат дека во наредните денови треба да пристигне потопло време.