Гутереш по разговорите со Путин: Шансите за мир минимални

Сподели со своите пријатели

Шансите за мир во Украина се „минимални во оваа фаза“, изјави генералниот секретар на ОН Антонио Гутереш по телефонскиот разговор со рускиот претседател Владимир Путин.

Loading...

„Имам чувство дека сме многу далеку од мир. Ќе излажам ако кажам дека тоа може да се случи наскоро“, рече Гутереш на прес-конференција.

„Немам илузии, во оваа фаза шансите за мировен договор се минимални“, рече Гутереш, додавајќи дека дури ни примирје не е на повидок.

ПРОЧИТАЈТЕ И:  Би-Би-Си: Украинските трупи вратија дополнителни територии

Гутереш рече дека ги продолжува контактите со двете страни и дека се надева дека еден ден ќе може да се придвижи кон разговори на повисоко ниво.

Генералниот секретар на ОН разговараше со Путин и за извозот на руски прехранбени производи и ѓубрива.

Кремљ по телефонскиот разговор меѓу двајцата официјални лица објави дека Путин му рекол на Гутереш дека украинските житарки приоритетно треба да одат во земјите каде што се најпотребни.

ПРОЧИТАЈТЕ И:  Лавров: Западот мора да стане свесен за новата реалност

Кремљ, исто така, објави дека разговарале за нуклеарната централа Запорожје и за посетата на тим од Меѓународната агенција за атомска енергија на ОН (МААЕ), како и дека Гутереш пренел дека се подготвува посета на експерти на ОН на затворот Оленивка во источна Украина, каде што загинаа десетици украински воени затвореници во бомбардирањето на крајот на јули. Москва и Киев меѓусебно се обвинуваат за тоа.

Сите информации поврзани со најновите случувања со војната во Украина можете да ги прочитате ТУКА.

Loading...