Шефот на Меѓународната агенција за атомска енергија (МААЕ), Рафаел Гроси, очекува наскоро да се врати во Украина, изјави тој за Ројтерс, среде преговорите за воспоставување заштитена зона околу нуклеарната централа Запорожје, окупирана од Русија.
Гроси посредуваше меѓу Москва и Киев во обид да воспостави нуклеарна безбедност и тампон зона околу централата, која беше погодена од прекини во последните недели поради гранатирање во близина на неа.
МААЕ претходно соопшти дека е длабоко загрижена поради апсењето на двајца украински вработени во електраната Запорожје, еден од четирите региони анектирани од Русија, но само делумно окупирани.
– Постои можност да се вратам во Украина и Русија, ние всушност начелно се договоривме за тоа и во моментов продолжуваме со консултациите со цел да се воспостави заштитена зона – изјави тој за Ројтерс при посетата на Аргентина.
– Ова подразбира интеракција при која добивам одговори и реакции од двете страни и се надевам дека ќе напредуваме во таа насока. Во одреден момент, веројатно многу наскоро, ќе се вратам таму – рече тој.
Разговорите се сметаат за клучни за ублажување на загриженоста што расте од август во врска со ризикот од гранатирање на најголемата европска нуклеарна централа.
Русија и Украина меѓусебно се обвинуваат за гранатирање.
Шефот на МААЕ, нуклеарното набљудување на ОН, рече дека заканите на Русија за употреба на нуклеарно оружје не можат да се исклучат, но дека тоа не е „актуелна можност“.
– Верувам дека опцијата Русија да користи нуклеарно оружје не е непосредна можност. Очигледно, ништо не може да се исклучи. Ние не сме телото што носи одлуки за таа земја, но верувам дека тоа би била екстремна мерка – рече тој.
Сите информации поврзани со најновите случувања со војната во Украина можете да ги прочитате ТУКА.