ГРОМ ќе бара поставување спомен обележје за загинатите херои од Диво насеље (видео)

Сподели со своите пријатели

Општинската организација на ГРОМ од Куманово на прес конференција денеска соопшти дека ќе бара поставување спомен обележје во центарот на градот во чест на загинатите полициски службеници на 9-ти и 10-ти мај во Диво насеље.

Нивниот предлог ќе биде доставен од страна на советник Драги Караџински до Советот на Општина Куманово кој е единствен надлежен орган во градот кој може да донесе одлука по тоа прашање.

Ова спомен обележје ќе ја симболизира желбата на сите нас за мир, слобода и соживот на сите граѓани кои живеат во Република Македонија. Ќе допринесеме да им се поклониме на 8-те херои и да искажеме сочувство и почит кон нивните семејства. Но, ова спомен обележје ќе претставува симбол на гордоста и одлучноста во битката за нашата земја и држава – рече Марта Цветковска, портпарол на ОО ГРОМ Куманово.

Како што истакна Цветковска спомен обележјето ќе биде симбол кој идните генерации и поколенија ќе ги потсетува дека непријатели на оваа мала земја отсекогаш имало и ќе има, но и дека нашиот народ ќе ја чува својата земја.


Comments are closed, but trackbacks and pingbacks are open.