Голем мултимедијален фестивал викендов во Кокино

Сподели со своите пријатели

Голем мултимедијален фестивал викендов ќе се одржи во Кокино како дел од програмата за одбележување на 30 години независност на Македонија.

Loading...

Фестивалот ќе започне на 10ти септември и ќе трае три дена

– На 10, 11 и 12 септември во магичното природно опкружување кај мегалитската опсерваторија Кокино учествуваат 100-тина уметници и автори во несекојдневен спој на различните уметнички правци од македонското творештво, велат организаторите.

Повеќе од 20 концерти и перформанси, театар, кино, еко-работилници, занаетчиство, изложби, организирани тури на опсерваторијата ќе бидат дел од фестивалот.

На првата вечер во петок која започнува од 17 часот ќе настапат: СуперХикс, Перија, Гиш, 21 век, Сватовски Бенд, Диџеј Чарли, Тока Шитет, а стенд ап ќе имаат дуото Атанас и Тино.

 

 

Loading...

Вториот фестивалски ден започнува во сабота од 12 часот и ќе настапат: Љубојна, Сетштат, Летечки Пекинезери, Чалгиа саунд систем, Џенгиз Ибраим и диџеј Горан Кан.

Последниот фестивалски ден ќе се одржи в недела со почеток точно напладне, а ќе настапат, Драган и Ратко Даутовски, Тони Китановски, Фулиш Грин, Џон Иди, диџеј Флодер, АВП проџект и Деј Оф.

Влезот за посетители е бесплатен, но поради специфичноста на локацијата се работи за настан со строго ограничен капацитет и регулиран пристап на возила со пропусници, кои претходните изданија беа распродадени во рекорден рок.

Веќе се пуштени во продажба дневни билети за организираниот автобуски превоз од Скопје и од Куманово и авто-пропусници за автомобилите. Овие билети чинат 50 денари и се достапни онлајн на: mktickets.mk.

Никола Ивановски