Германскиот претседател Франк-Валтер Штајнмаер пристигна во ненадејна посета на Киев.
Штајнмаер, кој утрово пристигна во Киев со воз, во текот на денот треба да се сретне со украинскиот претседател Володимир Зеленски.
Ова е прва посета на Штајнмаер на Украина откако Русија ја започна инвазијата на Украина на 24 февруари, но негов трет обид да патува во Киев.
Минатата недела Штајнмаер го одложи планираното патување во Украина од безбедносни причини.
Германскиот претседател планираше да го посети и Киев со претседателите на Литванија, Полска, Летонија и Естонија во средината на април, но му беше кажано да не доаѓа.
Одлуката на Киев беше донесена поради критиките за врските на Штајнмаер со Русија и поради тоа што како министер за надворешни работи тој ги игнорираше предупредувањата од источноевропските соседи на Германија за заканата од руска агресија.
Спорот меѓу украинскиот и германскиот претседател беше решен на почетокот на мај.
Сите информации поврзани со најновите случувања со војната во Украина можете да ги прочитате ТУКА.