Nvidia GeForce NOW ќе им овозможи на играчите да пренесуваат Fortnite на нивните мобилни уреди – преку веб-прелистувач Safari или преку апликацијата GeForce NOW за Android.
Играчите кои се заинтересирани можат да аплицираат за затворената бета верзија.
За да се регистрирате на листата на чекање, треба да сте член на GeForce NOW, како и да имате профил на Nvidia. (Приоритетното членство нема да ги зголеми шансите да бидете извлечени).
Извлечените играчи ќе добијат пристап до бета верзијата на крајот на јануари.
Оваа верзија на Fortnite наводно ќе биде специјално прилагодена за мобилни уреди.
Тимот на Nvidia исто така потврди дека моментално соработува со други издавачи за да воведе повеќе cloud-to-mobile игри.
Fortnite веќе некое време не е достапен на уредите со iOS. Иако Epic технички ја „победи“ тужбата против Apple, сепак познатиот battle royale не може да се преземе преку App Store.
Бидејќи играчите наскоро ќе можат да го лансираат Fortnite преку Safari, ќе биде интересно да се види дали Apple повторно ќе „меша прсти“.