Фон дер Лајен: Ова е војна против нашите вредности и иднина

Сподели со своите пријатели

Војната што ја започна Русија не е само војна против Украина, туку и војна против европската енергија, економија, вредности и иднина, изјави во средата во Стразбур претседателката на Европската комисија Урсула фон дер Лајен.

Loading...

„Ова не е само војна што Русија ја започна против Украина. Ова е војна против нашата енергија, војна против нашата економија, војна против нашите вредности и војна против нашата иднина. Станува збор за автократија против демократијата“, рече Урсула фон дер Лајен во својот говор за состојбата на Унијата, облечена во комбинација на жолто и сино, боите на украинското знаме.

ПРОЧИТАЈТЕ И:  Зеленски одликуваше 19-годишен војник: „Собори шест руски авиони“

И останатите членови на Комисијата присутни на пленарната седница на Европскиот парламент облечени во жолто-сино.

Специјален гостин на овогодинешниот говор за состојбата на нацијата е сопругата на украинскиот претседател Володимир Зеленски, Олена Зеленска.

„Овде стојам со убедување дека со храброст и солидарност Путин ќе пропадне и дека Европа ќе победи“, изјави фон дер Лајен, која според последните информации во среда ќе го посети Киев.

Претседателката на Комисијата Урсула фон дер Лајен посочи дека ЕУ требало повеќе да ги слуша оние кои со години предупредуваат за опасноста од режимот на рускиот претседател Владимир Путин.

ПРОЧИТАЈТЕ И:  Објавена снимка од нападот врз руски центар за мобилизација (ВИДЕО)

„Една од лекциите од оваа војна е дека требаше да ги слушаме оние што го познаваат Путин. Ана Политковскаја (убиената руска новинарка) и руските новинари кои го разоткрија криминалот и го платија со живот. Нашите пријатели во Украина, Молдавија, Грузија и опозицијата во Белорусија. Требаше да ги слушаме гласовите во нашата Унија, во Полска, балтичките земји и низ Централна и Источна Европа“, рече фон дер Лајен во нејзиниот говор за состојбата на Унијата.

ПРОЧИТАЈТЕ И:  Западните престолнини го подигнуваат нивото на „нуклеарна будност“

„Со години ни кажуваат дека Путин нема да запре“, истакна таа.

Loading...

Сите информации поврзани со најновите случувања со војната во Украина можете да ги прочитате ТУКА.