Компанијата Фејсбук формираше нов NPE (New product experimentation) тим, кој во текот на претстојните месеци би требало да претстави голем број нови апликации.
Тимот би требало да смисли и пласира апликации кои на корисниците им „даваат целосно ново искуство во создавањето на заедницата“.
Детали се уште не се соопштени, но се знае дека некои од нив ќе бидат бесплатни, а дека други ќе се плаќаат и ќе имаат можност за купување во внатрешноста на апликацијата.
Првите вакви апликации би можеле да се очекуваат во следните неколку недели, а ќе бидат дистрибуирани преку Google Play и App Store.
Овој чекор на Фејсбук претставува уште еден во низа обиди да се „одвои“ од својата социјална мрежа, која неколку години наназад трпи остри критики и казни поради кршење на приватноста на корисниците и безбедносните пропусти.
Image by Gerd Altmann from Pixabay