Фатен сериски убиец во Канада: Сите жртви биле членови на локални племиња

Сподели со своите пријатели

Полицијата во градот Винипег во уште три такви случаи обвини Канаѓанец, кој веќе е обвинет за убиство на жена.

Loading...

Полицијата во мај обвини 35-годишен маж за убиство на 24-годишната Ребека Контоа, а вчера и за три други убиства. Сите жртви биле членови на локални племиња.

Џереми Скибицки од Винипег беше уапсен на 18 мај за убиството на Контоа, член на Првата нација О-Чи-Чак-Ко-Сипи во Манитоба.

Началникот на полицијата Дени Смит рече дека „секогаш е вознемирувачко да се истражуваат сериски убиства“, додавајќи дека овие злосторства се особено чувствителни затоа што се вклучени домородните жени.

Полицијата сѐ уште не ја идентификувала четвртата жртва.

ПРОЧИТАЈТЕ И:  Амбасадата на САД во Турција ги предупреди Американците за можни напади во Истанбул

Таа ги повика граѓаните да се јават доколку имаат некаква информација и објави фотографии од зимската јакна на жртвата.

Додаваат дека неидентификуваната жртва има околу 20 години и исто така е припадник на племето, пишува Би-би-си.

Телата на другите две жртви, Харис и Миран, се уште не се пронајдени. Посмртните останки на Кантоа беа откриени на 16 мај во контејнер во Винипег.

Loading...

Националната истрага за убиени и исчезнати домородни жени откри дека помеѓу 1980 и 2012 година, околу 1.200 племенски жени во Канада биле убиени или исчезнати.

Некои сметаат дека бројката е поголема.