Фајзер само годинава од вакцини ќе заработи 26 милијарди долари

Сподели со своите пријатели

Американската фармацевтска компанија Фајзер во вторникот објави дека очекува приход од 26 милијарди долари од вакцините против КОВИД-19 оваа година, зголемувајќи ја проценката за повеќе од 70 проценти поради забрзаната имунизација на луѓето ширум светот.

Loading...

Новата проценка се однесува на 1,6 милијарди дози на вакцини што компанијата ги разви во соработка со германскиот BioNTech, а кои ќе бидат доставени оваа година, пренесува Танјуг, повикувајќи се на Ројтерс.

 

 

Вакцините беа најпродаваниот производ на Фајзер во првиот квартал од оваа година и се проценува дека тие ќе учествуваат со една третина од годишната продажба на американската компанија.

Преговори за испораки во 2022 година и пошироко

Покрај тоа, Фајзер разговара со неколку земји за доставување вакцини во 2022 година и пошироко.

Loading...

„Врз основа на она што го гледаме, веруваме дека побарувачката за вакцина против КОВИД-19 ќе биде слична на онаа за грипот“, изјави извршниот директор на „Фајзер“, Алберт Бурла.

 

 

За разлика од неколку производители на други вакцини, вклучително и „Џонсон и Џонсон“, кои најавија дека ќе работат на непрофитна основа до крајот на пандемијата, „Фајзер“ тврди дека ќе заработи пари од вакцините.

Ривалскиот американски производител Модерна проценува дека во 2021 година од својата вакцина ќе собере 18,4 милијарди долари.


Leave a Reply

Your email address will not be published. Required fields are marked *