Европа брза да ги наполни магацините со руски дизел пред ембаргото

Сподели со своите пријатели

Европските трговци брзаат да ги наполнат магацините со руски дизел пред да стапи на сила ембаргото за руските деривати во февруари следната година, а алтернативните извори на снабдување се сè уште ограничени, според аналитичарите.

Loading...

На почетокот на декември стапува на сила ембаргото на ЕУ за руската нафта, а на 5 февруари ембаргото за деривати.

Европа увезува најголем дел од дизелот од Русија.

Испораките на руски дизел наменети за складирање во регионот Амстердам-Ротердам-Антверпен (АРА) се зголемија повеќе од двојно меѓу 1 ноември и 12 ноември во споредба со октомври, рече Памела Мунгер од фирмата за енергетска аналитика Vortex.

Бидејќи Европа има само неколку профитабилни алтернативни извори на снабдување на краток рок, дизелот од Русија учествуваше со 44 отсто од вкупниот европски увоз во ноември, споредено со 39 отсто во октомври, според податоците на Refinitiv.

ПРОЧИТАЈТЕ И:  Брисел предложи план за конфискација на замрзнатиот руски имот

Според тоа, Русија сè уште е најголемиот снабдувач на дизел во Европа, иако нејзиниот удел е намален во споредба со периодот пред руската инвазија на Украина, кога сочинуваше повеќе од половина од европскиот увоз.

„ЕУ ќе треба да обезбедува околу 500 до 600 илјади барели дизел дневно за да го замени обемот на увоз од Русија, а замената ќе дојде од САД и од областа источно од Суец, пред се од Блискиот Исток и од Индија“, рече Јуџин Линдел од FGE.

Руската гасна нафта на пат кон регионот АРА веројатно брзо ќе се троши или продаде бидејќи нејзините цени во фјучерс договори со пократки периоди на испорака на Ice се повисоки од оние со подолги периоди на испорака, проценува Ларс ван Вагенинген од Insights Global.

Loading...
ПРОЧИТАЈТЕ И:  Институт за војна: Русите ја менуваат тактиката

Побарувачката исто така се зголеми бидејќи ICE Futures Europe ќе ја забрани руската гасна нафта со ниска содржина на сулфур пред стапувањето на сила на ембаргото на ЕУ.

Од 30 ноември, трговците ќе треба да му докажат на ICE дека ниту еден руски производ не влегол во ниеден контејнер во поширокиот регион АРА, вклучително и Флешинг и Гент, кои ќе се користат за пратки во јануари според договорите на ICE.

Магацините во АРА ќе добијат руска гасна нафта и во декември, но ќе мора да се премести во други складишта од кои нема да може да се испорача, наведува ICE.

ПРОЧИТАЈТЕ И:  Гори термоцентрала во Русија (ВИДЕО)

Некои играчи на пазарот проценуваат дека забраната на ICE нема да има големо влијание на пазарот, со оглед на генерално ниските нивоа на залихи на гасно масло и континуираниот пад на испораките.

Во јануари оваа година, 70.000 тони гас нафта беа испорачани преку веб-страницата на Ајс, според Ројтерс.

Сите информации за економско-енергетската криза во Македонија, регионот и светот можете да ги прочитате ТУКА.