Европската унија го подготвува деветтиот пакет санкции против Русија, како одговор на нападот на Москва врз Украина, изјави денеска претседателката на Европската комисија Урсула фон дер Лајен.
„Работиме напорно да ја погодиме Русија онаму каде што боли, дополнително да ја затапи нејзината способност да води војна против Украина, а денес можам да објавам дека работиме со полна пареа на деветтиот пакет санкции“, рече Фон дер Лајен за време на нејзината посета во Финска.
Таа најави дека е уверена дека глобалната граница на цените на руската нафта со Г7 и другите големи партнери ќе биде одобрена многу наскоро.
„Нема да мируваме додека Украина не победи над Путин во неговата варварска војна“, изјави претседателот на ЕК, пренесе британската агенција.
Сите информации поврзани со најновите случувања со војната во Украина можете да ги прочитате ТУКА.