Европската унија ги продолжи индивидуалните санкции против 1.206 руски државјани и 108 руски компании за уште шест месеци, соопшти Европскиот совет.
„Денеска Советот одлучи да го продолжи времетраењето на рестриктивните мерки насочени кон оние кои се одговорни за поткопување или загрозување на територијалниот интегритет, суверенитет и независност на Украина за уште шест месеци, до 15 март 2023 година“, се вели во соопштението, пренесе ТАС С.
„Санкциите, кои ќе продолжат да важат за 1.206 поединци и 108 компании, доаѓаат како одговор на неоправданата и неиспровоцирана воена агресија на Русија против Украина“, се наведува во документот.
Санкциите вклучуваат ограничувања за патување на луѓе, замрзнување на имот и забрани за обезбедување средства или други економски ресурси на одредени поединци и бизниси.
Сите информации поврзани со најновите случувања со војната во Украина можете да ги прочитате ТУКА.