Русија утринава соопшти дека ги одбила нападите на украинските поморски и воздушни дронови врз нејзината поморска база во Новоросијск на Црното Море и на анектираниот полуостров Крим.
„Синоќа украинските вооружени сили со помош на два брода без екипаж се обидоа да ја нападнат поморската база Новоросијск“, на југот на Русија, објави руското Министерство за одбрана на Телеграм.
На социјалните мрежи беа објавени видеа на кои се гледаат експлозии.
„Бродовите без екипаж беа откриени и уништени со редовен оган од руски бродови кои ја штитат поморската база“, додаваат тие.
Во Новоросијск, големото нафтено пристаниште, нафтоводот долг 1.500 километри завршува од нафтените полиња во западен Казахстан и руските региони северно од Каспиското Езеро.
Поголемиот дел од нафтата на Казахстан за извоз поминува низ овој гасовод.
Russia’s Black Sea port in Novorossiysk is temporarily closed following the nighttime marine drone attack, according to the Russian Defense Ministry.
🎥SHOT pic.twitter.com/evJ891nM4X— Euromaidan Press (@EuromaidanPress) August 4, 2023
„Нафтата продолжи да тече до закотвените бродови“
Руските медиуми објавија дека конзорциумот на Каспискиот гасовод (CPC), кој управува со гасоводот, соопшти дека не е забележана штета и дека нафтата продолжува нормално да тече до бродовите закотвени во пристаништето.
Руската Црноморска флота беше цел неколку пати од почетокот на рускиот напад врз Украина во февруари 2022 година, а нападите ескалираа во последните недели.
Русија во вторникот објави дека спречила напад на три дронови на украинската морнарица врз патролни бродови во Црното Море 340 километри југозападно од Севастопол, базата на руската Црноморска флота на Крим. Сличен напад се случи и една недела претходно.
Серија напади со беспилотни летала на Крим
Руското Министерство за одбрана соопшти и дека ноќта од четврток кон петок руските сили собориле 13 дронови кои го напаѓале полуостровот Крим.
Marine drones attacked the Russian naval base in Novorossiysk (southern Russia) last night
All drones were destroyed, Russia’s Defense Ministry reported.
🎥SHOT pic.twitter.com/yyngsclgKh— Euromaidan Press (@EuromaidanPress) August 4, 2023
Се наведува дека нема извештаи за жртви или материјална штета. Киев, кој започна контраофанзива на почетокот на јуни за да ги врати териториите заземени од Москва, ја потврди својата намера да го врати Крим, кој Русија го анектираше во 2014 година.
На крајот на јули на полуостровот веќе беа извршени неколку напади со беспилотни летала. Во неделата, руските власти на Крим тврдеа дека уништиле 25 од овие украински уреди.
Во меѓувреме, Русија го напаѓа црноморскиот регион Одеса, откако Москва се повлече од договорот минатиот месец со кој на Украина и се овозможи извоз на жито.
Сите информации поврзани со најновите случувања со војната во Украина можете да ги прочитате ТУКА.