Севернокорејската економија влезе во фаза на опоравување благодарение на односите со Русија и Кина, надминувајќи го периодот на рецесија, соопшти во среда Министерството за обединување во Сеул.
Министерството ја направи проценката во својот петгодишен план за меѓукорејски односи што го опфаќа периодот од 2026 до 2030 година, кој беше доставен до Комитетот за надворешни работи и обединување на Националното собрание, објави Јонхап.
Северна Кореја „формираше и одржуваше односи“ слични на сојуз со Русија, вклучително и размена на високотехнолошко оружје и трансфер на технологија, а во исто време се стреми кон практично опоравување во односите со Кина, тренд што ја става националната економија на патот кон опоравување, соопшти министерството.
Исто така, Северна Кореја се стреми да ја зголеми својата „стратешка автономија“ и „преговарачка моќ“ со искористување на соперништвото меѓу Кина и САД, а во исто време да ја зајакне дипломатијата со земјите што традиционално се пријателски настроени кон режимот, се продолжува во соопштението.
Планот за меѓукорејските односи се изготвува на секои пет години, но последното петто издание е изготвено откако претходниот план беше усвоен од страна на соборениот претседател Џун Сук-јола, кој беше одложен по три години спроведување.
Како основни принципи, планот наведува институционализација на политиката на администрацијата на Ли Џе-мјунг за мирен соживот со Северна Кореја, поставување темели за заеднички раст и стремеж кон Корејски полуостров без војна и нуклеарно оружје, пренесува Танјуг.