Во Бејрут, главниот град на Либан, се случува вистинска драма, бидејќи граѓанин вооружен со пушка влетал во банка и ги зел работниците како заложници барајќи да му ги исплатат заштедите кои му биле „заробени“.
Наводно маж влегол во банка со кофа бензин во раката, а медиумите пишуваат дека тој држи најмалку шест лица како заложници.
Официјалните лица велат дека испукал три предупредувачки истрели, а според неофицијални информации, тој има околу 200.000 долари на штедна книшка што не може да ги повлече.
Полицијата се обидела да преговара, а банката била опколена од припадници на специјалната единица.
Банките во Либан, кој се бори со една од најтешките економски кризи во модерната историја, воведоа ограничувања за повлекување девизи, замрзнувајќи ги сметките на многу граѓани.