На валутните пазари вредноста на доларот во однос на кошничката валути благо падна.
Индексот на доларот кој ја покажува вредноста на американскиот долар во однос на другите шест најважни светски валути се движи околу 111,78 поени, додека вчера во овој момент изнесуваше 111,90 поени.
Истовремено, цената на еврото од вчерашните 0,9858 се искачи на 0,9875 долари.
Лидерите на Европската централна банка ќе се состанат оваа недела, а аналитичарите очекуваат повторно да ги зголемат клучните каматни стапки за 0,75 процентни поени, бидејќи инфлацијата во еврозоната продолжува да се движи на рекордно ниво.
Во однос на јапонската валута, курсот на доларот утринава се движи околу 149 јени.
Вчера, поради интервенциите на јапонската централна банка, цената на доларот флуктуираше во широк опсег од 145,28 до 149,70 јени.
Меѓу добитниците утринава е и британската фунта, бидејќи инвеститорите се надеваат на смирување на политичката криза, откако вчера за премиер и лидер на Конзервативната партија беше избран Риши Сунак, поранешниот министер за финансии.
Цените на нафтата, пак, благо пораснаа.
Цената на барелот на лондонскиот пазар се зголеми за 0,25 отсто, на 93,50 долари, додека на американскиот пазар цената на барелот порасна за 0,33 отсто, на 84,85 долари.