Дивата депонија на влезот од кумановската населба Перо Чичо наскоро ќе стане мини парк со дрвја, ова денеска го најави директорот на Јавното претпријатие „Чистота и зеленило“.
Денеска повторно започна чистење на депонијата, а планот на јавното претпријатие и локалната самоуправа е на оваа локација да се засадат дрјва и да се спречи несовесните граѓани повторно тука да одлагаат смет.
– Во соработка со невладина организација „Дром“ на оваа локација ке направиме и мини парк со поставување на урбана опрема. Уште еднаш упатувам апел до несовесните граѓани да престанат со непрописно исфрлање на отпад, а локалното население доколку забележи ваква појава да ги информораат надележните служби и да пријават, вели Даниел Стојчевски, директор на ЈП „Чистота и зеленило“.
Инаку токму оваа депонија се чисти на неколку месеци, но несовесните граѓани за неколку дена повторно локацијата ја преплавуваат со разновиден отпад, кој понекогаш и го палат што создава неподнослива миризба низ тој дел од градот.
Никола Ивановски