Градоначалникот на Општина Куманово Максим Димитриевски денеска ги испроба новите можности кои ги нуди Бислимската клисура, откако беше набавена опрема со која се очекува подобрување на авантуристичкиот туризам на локалитетот Бислимска клисура.
Димитриевски откако се обрати пред медиумите заедно со швајцарската амбасадорка Сибил Зутер Тејада и министерот за локалната самоуправа Горан Милевски, со опремата за алпинизам се искачи на карпата која се издига над клусурата.
Со својата сопруга Надица Димитриевска подоцна се возеа по водите на реката Пчиња во кајак, а на крајот ги испроба и набавените два четирицикли кои ќе бидат користени низ клисурата.
Сета опрема е набавена со финансиска поддршка на швајцарската амбасада во земјава, а преку проект на ЛАК Абер од Куманово. Опремата може да се користи и од лицата со посебни потреби.
Никола Ивановски