Димитриевски негира дека формира партија со Бранко Црвенковски

Сподели со своите пријатели

Градоначалникот на Општина Куманово Максим Димитриевски преку соопштение ги негираше написите на неколку интернет портали дека заедно со поранешниот претседател Бранко Црвенковски ќе го формираат движењето „За наша Македонија“.

Loading...

Неговата реакција ви ја пренесуваме интегрално:

Граѓанското иницијатива “За Наше Куманово” започна со организација за време локалните избори во Куманово, на истите учествуваше со своја понуда и програма, ги освои симпатиите на граѓаните и убедливо победи.

Пред неколку месеци и официјално оваа здружение на граѓани е регистрирано со сите органи и тела на локално ниво и е исклучиво насочено кон реализација на ветените проекти кои се од витален интерес за граѓаните на општина Куманово. Јас досега неколку пати кажав дека постои иницијатива од повеќе општини во Македонија оваа локално здружение да прерасне во републичко, со крајна цел да учествува на следните парламентарни избори како реално граѓанско политичко движење од граѓаните за граѓаните.

Во тек се консултации со истакнати личности од општествениот живот, експерти, интелектуалци, стопанственици, лекари, уметници, студенти, пензионери, земјоделци, работници, општественици и други кои сакаат да дадат свој допринос во формирањето на граѓанското движење. Кога ќе се формира, кое ќе биде името на здружението и дали ќе прерасне во нов политички субјект засега не би коментирал, шпекулирал или прогнозирал.

Кога ќе се донесе одлуката јавноста ќе биде навреме информирана.

Што се однесува за вклучувањето на поранешниот претседател на РМ г-дин Бранко Црвенковски, кој особено го почитувам до овој момент со него на оваа тема и за оваа иницијатива немам разговарано, стои во соопштението.

ПРОЧИТАЈТЕ И:  Кумановец нападнат на ГП Табановце