Еден од најтешките делови на врската може да биде довербата во партнерот, особено ако сте биле повредени во минатото. Иако повеќето парови со текот на времето добиваат поголема доверба, една девојка се одлучи за поинаков пристап.
Имено, таа за своето момче му направи список со 22 ставки што не смее да ги прави. Многумина сметаат дека ваквите правила се преголема контрола врз друга личност, а некои дури би ги изедначиле со „злоупотреба“.
Не само што му го предаде тој список на забрани, туку и побара да го потпише, како еден вид договор.
Списокот е споделен на социјалните мрежи, а луѓето се згрозени од барањата – што вклучува забрана за конзумирање алкохол доколку таа не е присутна и одговара на нејзините пораки во рок од десет минути.
Списокот го сподели на социјалните мрежи корисникот на Твитер со име kkeies96, кој ја пронајде хартијата во половен автомобил, кој го замени со неговиот стар. Се претпоставува дека списокот му припаѓал на поранешниот сопственик.
– Некој јадник го сменил автомобилот и го заборавил договорот за однесувањето во него – напиша тој во соопштение.
Делови од списокот се обележани со маркери од различни бои, и секое „не“ е подвлечено.
– Таа е целосно луда, бегај – му напишал еден коментатор на сопственикот на пораката.
Но, една жена имала поинаков пристап, па и покрај тоа што се согласила дека договорот е се освен нормален, смета дека момчето направило нешто што го нашло на оваа листа.
– Ми звучи како тој да ја изневерил или нешто слично, па таа раскинала со него и тој ја молел за втора шанса. Можно е таа тогаш да му дала упатства како да се однесува или повторно ќе ја прекине врската – истакна корисникот на Твитер.