Кинескиот ТикТок, кој доживеа експлозија на популарност во изминатата година, размислува да воведе претплата за одредени содржини.
Како што беше потврдено за TechCrunch, опцијата би била наменета за креаторите на содржина кои би можеле да наплатат за пристап до одредена содржина.
Сè уште не е познато како би функционирал целиот систем за претплата или плаќање, бидејќи е тестиран само во ограничен обем. Се шпекулира дека дел од содржината сепак би била бесплатна, додека некои поексклузивни делови би биле достапни само за корисниците кои плаќаат посебен пристап.
Интересно е што веста за можното воведување претплата на ТикТок доаѓа само еден ден откако беше објавено дека Инстаграм започна со тестирање на претплатата за нејзината содржина во САД.
Во случајот на Инстаграм, креаторите можат да им понудат на следбениците да платат за пристап до ексклузивни приказни и видеа во живо. Креаторите имаат одврзана рака во одредувањето на цената на самата содржина, а корисниците кои се подготвени да платат ќе бидат посебно означени во коментарите за полесно да ги препознаат креаторите.
Исто така, треба да се потсети дека Твитер воведе еден вид претплата која им овозможува на корисниците да се претплатат на профилите што ги следат, а за возврат да добијат пристап до ексклузивна содржина. Цените на претплатата се движат од 2,99 до 9,99 долари месечно, а плаќачите се означени со специјална значка за да ги идентификуваат меѓу другите следбеници.
Ова не е прв обид на ТикТок да монетизира содржина на својата платформа. Тие претходно ја тестираа опцијата за „давање бакшиш“ на креаторите, што ќе им овозможи да добиваат директни плаќања од следбениците. Покрај тоа, веќе постои опција за „подарување“ на креаторите. Минатата година, ТикТОк, исто така, воведе фонд од 200 милиони американски долари за креаторите, за да ги поттикне да создаваат поинтересна и ексклузивна содржина на таа платформа.