Најмалку четири лица загинаа, а 23 се повредени во пожар што избувна во дом за стари лица во градот Бедбург-Хау во германската покраина Северна Рајна-Вестфалија.
Loading...
Како што информираа од полицијата, пожарот избувнал во понеделникот во 3 часот и 50 минути по локално време во дом за стари лица во Бедбург-Хау, град со 13.000 жители.
Повреден е еден од пожарникарите кои се обиделе да го изгаснат пожарот.
Спасувачките екипи евакуирале 46 лица од домот за стари лица. Според прелиминарните податоци четири лица загинале, а 23 се повредени.
Пожарот во голема мера е изгаснат, а истрагата за причините за пожарот е во тек.