Четири лица претепале и ограбиле двајца мигранти од Мароко

Сподели со своите пријатели

Како што информира МВР, во текот на вчерашниот ден било пријавено дека на бензиската пумпа „Руле Турс“ кај с.Смоквица, гевгелиско, две непознати лица – странски државјани пријавиле дека е извршено разбојништво врз нив.

Loading...

Полициски службеници излегле на местото на настанот при што било констатирано дека се работи за двајца државјани на Мароко Р.Ј.  и  А.Б., кои  илегално ја преминале македонско-грчката граница.

Во близина на с.Миравци околу 22.00 часот на 07.12.2015 година на м.в.„Вирот“ биле нападнати од четири непознати сторители кои најпрво се претставиле како полициски службеници, а потоа физички ги нападнале со дрвени палки и електричен пиштол заканувајќи им се по живот, при што им одзеле околу 600 евра, два мобилни телефони и патничка торба во која имало облека.

Се преземаат мерки за целосно расчистување на случајот.


Comments are closed, but trackbacks and pingbacks are open.