Регулаторната комисија за енергетика денеска донесе одлука за повторно поевтинување на нафтените деривати.
Од ноќеска на полноќ малопродажните цени на ЕУРОСУПЕР БС-95 и ЕУРОСУПЕР БС-98 ќе останат непроменети, додека цената на нафтата се намалува за 2 денари по литар.
Така со новата одлука цената на ЕУРОСУПЕР БС- 95 изнесува 62,50 денари за литар, додека на ЕУРОСУПЕР БС-98 малопродажната цена изнесува 64,50 денари за литар.
Малопродажните цени на ЕУРОДИЗЕЛ (Д-Е V) и Екстра лесното масло за домаќинство (ЕЛ-1) се намалуваат за 2,00 денари за литар и со тоа цената на ЕУРОДИЗЕЛ (Д-Е V) изнесува 46,50 ден/лит, додека малопродажната цена на Екстра лесното масло за домаќинство (ЕЛ-1) изнесува 35,50 денари за литар, информираат од Регулаторната комисија за енергетика.