Русија рано утринава погоди неколку украински региони, вклучително и главниот град Киев, црноморското пристаниште Одеса и вториот по големина град Харков, предизвикувајќи прекин на електричната енергија, соопштија регионалните власти.
Нападот е извршен врз повеќе цели во градовите кои се протегаат од Житомир, Виница и Ривне на запад до Днепар и Полтава во централна Украина, пренесува Ројтерс.
„Утринава Русија ѝ зададе нов силен удар на енергетската инфраструктура на Украина, таргетирајќи ги енергетските капацитети во седум региони – Киев, Миколаев, Харков, Запорожје, Одеса, Днепропетровск и Житомир“, рече украинскиот министер за енергетика Херман Галушченко во објавата на Телеграм.
Тој додаде дека Русите го ставаат светот на работ на нуклеарна катастрофа, имајќи предвид дека поради гранатирање е оштетена последната линија за снабдување со електрична енергија на нуклеарната централа во Запорожје, а станицата моментално работи на дизел генератори, пренесува Интерфакс Украина.
Експлозии во Киев, 40 отсто од градот без греење
Градоначалникот на Киев Виталиј Кличко објави дека во југозападниот дел на градот се регистрирани експлозии и дека спасувачките служби се на терен.
Кличко рече дека снабдувањето со електрична енергија е прекинато како мерка на претпазливост за околу 15 отсто од жителите на Киев.
„По нападот, поради затемнувањето, 40 отсто од корисниците во главниот град во моментов се без греење. Состојбата со водата е нормална“, рече тој.
Нова серија експлозии се слушнале во Киев околу 7 часот по локално време, јавува британската агенција.
Нема струја во Одеса
Гувернерот на областа Одеса Максим Марченко изјави дека цел на масовниот ракетен напад бил енергетски објект во Одеса и дека дошло до прекин на електричната енергија.
Марченко изјави дека противвоздушните единици собориле неколку проектили и дека се очекуваат нови напади.
„За среќа нема повредени. Во сила се рестрикциите за електрична енергија“, рече Марченко.
Large Plumes of Smoke can be seen rising from what is claimed to be the KyivEnergo #5 Thermoelectric Power Plant in the Holosiivskyi District of Kyiv City after Russian Missiles hit the Plant earlier this morning. pic.twitter.com/oBcELQDKkO
— OSINTdefender (@sentdefender) March 9, 2023
Во Харков има повредени лица
Гувернерот на Харковската област Олех Синехубов рече дека градот и регионот биле погодени од околу 15 напади и целта била инфраструктурата.
Според украинските медиуми, две лица се повредени во ракетен напад во Харков од проектил кој паднал во близина на нивниот дом.
Цел на нападите биле и Днепар во централна Украина и западните градови Луцк и Ривне, кои се далеку од првите линии на фронтот, наведува Ројтерс.
Missiles are now coming from the North and South towards Targets in Ukraine; definitely the Largest Missile Attack that I have seen.
— OSINTdefender (@sentdefender) March 9, 2023
Сирените се вклучија среде ноќ
Во текот на ноќта во неколку области на Украина се огласија итни сирени, по што почнаа да пристигнуваат извештаи за напади со беспилотни летала камикази и крстаречки ракети.
Новинарите во Киев објавија дека слушнале експлозии во шест часот наутро.
It’s 3 am in Ukraine. Russia won’t let Ukrainians sleep tight tonight. Lots of drones and rockets fired in all possible directions in Ukraine. Will everyone wake up in the morning? This is the terror civilians’ve been living through for more than a year already. pic.twitter.com/UuZGe8X8YB
— Myroslava Petsa (@myroslavapetsa) March 9, 2023
Сите информации поврзани со најновите случувања со војната во Украина можете да ги прочитате ТУКА.