Британското Министерство за одбрана објави нова анализа за ситуацијата во Русија, врз основа на информации од нејзините разузнавачи и луѓе на теренот.
Британците велат дека Русите изгубиле над 300 луѓе во еден напад на првиот ден од новата година.
„Русија многу веројатно имала над 300 жртви во нападот на зградата во која се стационирани војниците во Макиивка кај Доњецк на 1 јануари 2023 година. Проценуваме дека мнозинството биле убиени или исчезнале наместо ранети“, пишуваат Британците.
По нападот, руското Министерство за одбрана го презеде реткиот чекор јавно да ги признае загубите, велејќи дека загинале 89 лица, додаваат Британците.
„Руските власти веројатно оценија дека не е одржливо да се избегнат коментари во светлината на широките критики на руските команданти за овој инцидент“, објаснуваат тие.
„Разликата меѓу бројот на жртви што Русија ги призна и веројатниот вистински вкупен број на жртви го истакнува сеприсутното присуство на дезинформации во руските јавни соопштенија“, се додава.
Веројатно е комбинација од намерно лажење што го одобруваат високите лидери и неточно известување од пониски функционери кои ги минимизираат сопствените пропусти, заклучија Британците.
Сите информации поврзани со најновите случувања со војната во Украина можете да ги прочитате ТУКА.