Обединетото Кралство има намера да го укине правилото дека луѓето мора да бидат изолирани откако ќе бидат заразени со коронавирус, пишува во неделата Телеграф.
Премиерот Борис Џонсон сака трајно да ги укине законите за итни случаи на коронавирус бидејќи бројот на случаи на ковид-19 во Британија продолжува да опаѓа, пишува весникот, додавајќи дека општите упатства ќе останат на сила, но нема да резултираат со казни доколку не се почитуваат.
Одлука напролет
На плановите ќе се работи во текот на следните недели, а одлуката се очекува на пролет, се додава.
Минатата недела, министерот за здравство Саџид Џавид рече дека самоизолацијата поради Ковид-19 во Англија ќе се намали на пет дена од седум, откако лицето ќе има два негативни теста.
Џонсон, исто така, треба да ги укине ограничувањата на планот Б за ковид, воведени минатиот месец за да го забави ширењето на варијантата омикрон, објави Телеграф претходно.
Според планот Б во Англија, на луѓето им се советува да работат од дома што е можно повеќе, да носат маски во јавниот превоз и на јавни места, како и да покажат сертификати за ковид за да влезат во ноќни клубови и големи настани.