Наместо организиран пречек на 31 декември, кумановчани оваа година ќе имаат можност да ја проследат и да се забавуваат на целодневен Новогодишен хепенинг во организација на Општина Куманово и Фондацијата за култура.
Како што денес на одржаниот прес соопшти Нино Величковски од општинската Фондација за култура, хепенингот ќе започне во 11 часот на градскиот плоштад во Куманово со настап на танцовото студио “Мерлин”, а потоа ќе следи пречек на Дедо Мраз за најмалите, и настап на членовите на Дневниот центар за лица со интелектуална попреченост со претставата “Гледај ме со срце”.
Loading...
Валентина Алексовска, секретар на општина Куманово објасни дека Новогодишниот хепенинг ќе биде поделен во три различни делови, и тоа програма за најмалите, настап на фолк групи, а како последно, рок свирка со бендови и пејачи од Куманово.
Раководителот на Секторот за култура при Општина Куманово, Цоки Ристовски вели дека оваа година, наставата ќе заврши на 29 декември, а децата на тој начин ќе имаат можност да бидат дел од прославата на градскиот плоштад што се организира на 30 декември.
На новогодинешниот хепенинг, кумановчани ќе може да ги проследат настапите на познати кумановски фолк и забавни пејачи, настапи на танцови групи и да уживаат во празничната атмосфера.