Американската тајна служба истражува сомнителна супстанција пронајдена во Белата куќа во неделата вечерта што предизвика кратка евакуација.
Службеник запознаен со истрагата тврди дека прелиминарното тестирање покажало дека белиот прав всушност бил кокаин.
Портпаролот на Тајната служба, Ентони Гуглиелми, потврди дека супстанцијата е подложена на дополнително тестирање за да се утврди што е, а властите истражуваат како на прво место влегла во Белата куќа.
Не се знае точно каде е пронајдена
Тој посочи дека противпожарната служба потврдила дека супстанцијата не претставува закана.
Тој додаде дека откритието поттикнало зголемено безбедносно предупредување и кратка евакуација.
Тој тврди дека американскиот претседател Џо Бајден во тој момент не бил во Белата куќа.
Одби да каже конкретно каде во Белата куќа е пронајдена супстанцијата или како е спакувана, пишува Вашингтон пост.
Тој изјави дека супстанцијата ја пронашле униформирани членови на Тајната служба кои вршеле рутински обиколки низ зградата.
Вито Маџоло, портпарол на противпожарната и итната служба, само рече дека службите „ѝ пружиле поддршка на американската тајна служба во спроведувањето на истрагата“.