Од утре во главниот град на Германија, Берлин, бегалците од Украина ќе можат да даваат изјави за наводни воени злосторства извршени за време на руската воена операција во нивната земја.
Центарот за документација на „Институтот Пилецки“, институција финансирана од Полска, почнува со собирање на сведоштвата на бегалците.
„Сите сведоци на злосторствата во Украина, било да се кражби, убиства, протерување, киднапирања, бомбардирања на цивили, уништување на културни добра, се повикани да дадат изјава. Секое злосторство и секој војник кој извршил злосторство мора да биде казнет“. се вели.во соопштението на „Институт Пилецки“.
Во Центарот за документација бегалците можат да пополнат прашалник и да одговараат на прашањата на адвокатите.
Прашалниците се составени, како што е објаснето, врз основа на искуството на судовите по Втората светска војна.