Азербејџан ја обвини Ерменија за експлоатација на новинари во зоната на конфликтот Нагорно Карабах, загрозувајќи ја нивната безбедност за целите на нејзината „антиазербејџанска пропаганда“.
Во соопштението на азербејџанското Министерство за надворешни работи се посочува на зголемениот број извештаи за обидите на Ерменија да ги експлоатира новинарите со тоа што ќе ги донесе на сцената на активни воени операции, без да ги преземе потребните мерки за јасно разликување од борците.
Азербејџан тврди дека ваквото однесување на Ерменија само по себе претставува сериозно кршење на нејзината обврска според меѓународното хуманитарно право да ги преземе сите изводливи мерки на претпазливост за заштита на цивилното население и цивилните објекти под нејзина контрола од последиците на нападот.
„Така, за потребите на својата антиазербејџанска пропаганда, Ерменија ја загрози безбедноста на новинарите кои работат во зоната на конфликтот“, се вели во соопштението.
Министерството, исто така, го повтори својот апел до новинарите да избегнуваат посета на „привремено окупираните територии на Азербејџан и со тоа да не и дадат можност на Ерменија да ги искористува“.
Сања Костовска