Англиската црква се извини за односот кон ЛГБТ луѓето

Сподели со своите пријатели

Англиската црква официјално се извини за односот кон ЛГБТ луѓето, иако на истополовите парови сè уште нема да им биде дозволено да се венчаат во нејзините цркви.

Loading...

Извинувањето од црковните епископи дојде во извештајот по пет години дебата за ставот на црквата за сексуалноста.

Извештајот ќе биде доставен до црковното национално собрание, Генералниот синод, кој ќе се состане во Лондон следниот месец.

„Сакаме да се извиниме за начинот на кој англиската црква се однесуваше со ЛГБТ луѓето, и оние кои се молат во нашите цркви и оние кои не се молат“, се вели во соопштението на бискупите.

„Длабоко ни е жал за сите моменти што те отфрливме или исклучивме, и тебе и оние што ги сакаш. Приликите во кои добивте непријателски и хомофобичен одговор во нашите цркви се срамни и жалиме поради тоа“, се вели во соопштението.

Без разлика, ставот на Англиската црква останува дека бракот е дозволен само за заедница меѓу еден маж и една жена.

Црквата предложи на истополовите парови да им се понуди можност да имаат црковна служба со молитви за осветување, благодарност или за Божји благослов откако ќе имаат граѓанска венчавка или ќе се регистрираат како граѓански партнери.

Истополовите бракови се легални во Англија и Велс од 2013 година, но црквата не го промени своето учење кога се смени законот.

Loading...