„Сите палестински деца во Појасот Газа треба да бидат убиени“, рече републиканскиот конгресмен Енди Оглес од Тенеси, одговарајќи на прашањето на пропалестински активист за злосторствата извршени од израелската армија во енклавата.
На видеото, снимено минатата недела, кое деновиве се појави и на социјалните мрежи, може да се забележат активисти кои го прашуваат Оглес дали е свесен за „геноцидот што моментално се случува во Палестина“ и дали повикал на прекин на огнот.
„Видов слики од уништени детски тела. Тие ги бомбардираат тие деца со моите даночни долари“, му рече една жена на конгресменот.
А потоа дојде неговиот зачудувачки одговор.
„Знаеш што? Мислам дека треба да ги убиеме сите, ако тоа те прави да се чувствуваш подобро. Хамас и Палестинците го напаѓаат Израел веќе 20 години. Време е да платат“, рече Оглс.
Оваа изјава на американскиот функционер предизвика бран огорченост на социјалните мрежи, па еден од корисниците на овие платформи го нарече „соучесник во убиство и убиство на деца“ и повика да биде разрешен.
„Драга Америка, кога ќе видите морони како Енди Оглс, знајте дека тој не го претставува она што го чувствуваат сите во Тенеси. Ова е ужасно и одвратно“, напиша еден Американец на Твитер.
Друг рече дека службеникот „треба да биде осуден затоа што јавно се залагал и поттикнувал геноцид врз Палестинците“.
Организацијата „Спасете ги децата“ пред два дена објави дека од почетокот на ескалацијата на конфликтот „израелските сили убиваат и осакатуваат деца во Појасот Газа со невидена брзина и размери“.
Убиени се околу 12.400 деца, а уште илјадници се водат како исчезнати. Покрај тоа, 100 палестински деца беа убиени на Западниот Брег.
Организацијата, исто така, во јануари објави дека во просек по десет деца дневно губат една или двете нозе во палестинската енклава од почетокот на израелската офанзива.
Многу од овие ампутации се направени без анестезија, пренесува RT Balkan.