Американски новинар: Израел сака да ја контролира границата на Газа со Египет

Сподели со своите пријатели

Израел сака да ја контролира границата на Газа со Египет и да преземе целосна одговорност за безбедноста на секторот, вели американскиот новинар и добитник на Пулицерова награда Сејмур Херш, цитирајќи свои извори.

Loading...

Херш пишува дека Израел сака да го контролира влезот и излезот на луѓето од Газа, како и границата со Египет, која претходно ја контролираше таа земја.

Затоа, се планира да се контролира Газа како област на Западниот Брег, за чија безбедност е одговорен Израел.

„Целта е да се контролира шверцот во Газа, но тоа не треба да го прават жителите на регионот“, вели Херш во написот објавен на платформата „Сабстек“, повикувајќи се на извор од Израел.

ПРОЧИТАЈТЕ И:  Израел ја интензивира офанзивата на југот на Газа, САД и ОН повикуваат на заштита на цивилите

Тој исто така рече дека во израелските кругови се зборува дека поранешниот шеф на младинското движење Фатах, Мухамед Далан, би можел да биде назначен за нов лидер на палестинската управа.

Херш истакнува дека израелскиот премиер Бенјамин Нетанјаху не ги слуша високите американски претставници кои биле во земјата.

„Во Вашингтон владее вакуум на моќ, никој не управува со процесот. Тие само работат за да бидат реизбрани. Тоа е страшно и срамно“, вели друг извор на кој се повикува новинарот.

Херш заклучува дека Нетанјаху има за цел целосно да го уништи Хамас, пренесува Танјуг.

Loading...