Apple ги негира обвинувањата за непрецизност на Face ID

Не е тајна дека Apple се соочува со одредени тешкотии кога е во прашање производството на iPhone X, а поради компонентите кои се користат за Face ID модулот.

Ако сакате работа во „Apple“, мора да знаете одговор на овие прашања

Така Bloomberg неодамна пишуваше дека Apple веќе ги известил добавувачите дека планира да ги прифати компонентите со нешто полош квалитет, а во надеж дека тоа ќе го забрза производството.

Во споменатиот текст пишува дека од компанијата на добавувачите дискретно им било соопштено дека може да ја намалат прецизноста на Face ID  технологијата, за да компонентите бидат полесни за производство.

Како iPhone 8 поднесува гребење, палење и превиткување? (видео)

По повод овие тврдења се огласија и од компанијата Apple, тврдејќи дека обвинувањата се целосно неточни и додаваат дека нема никакви промени во прецизноста на оваа технологија во однос на она што првобитно е најавено.

Така нагласуваат дека во процесот на производство не дошло до никакви измени и дека веројатноста да непозната личност го отклучува уредот и натаму ќе биде еден во милион случаеви.