Македонец од Куманово, минатата година преку интернет заработил фантастични 1,26 милиони евра, но никој не знае како.
Од УЈП, на кои кумановскиот милионер морал да им плати 126.000 евра на име дополнетелни приходи, не го откриваат неговиот идентитет, ниту пак што работел преку интернет за толку да се опари.
Негов сограѓанин, пак, за 2014 година пријавил дополнителен приход од работа преку интернет од 103.000 евра и и платил 10.300 евра данок на државата. Овие двајца кумановци се рекордери по интернет-заработувачка за изминатите две години кои влегле во системот на Управата за јавни приходи.
Но, никој не испитал колку од овие понуди се реални, колку фиктивни, а колку пирамидални, односно ве намамуваат да вложите некој долар, може да заработувате на почетокот додека балонот не прсне и вложувачите изгорат. Искуствата се различни, барем по она што го коментираат Македонците на форумите. Има такви што тврдат дека заработуваат и дека секој месец им легнува исплата, но и такви што се категорични дека се е лажно.