Бројни експлозии се слушаат во Техеран и во бројни градови низ Иран.
Канцеларијата на врховниот лидер на Иран и претседателската канцеларија во Техеран, исто така, наводно биле цел на напади, објавува Би-Би-Си.
Воени објекти беа погодени во Керманшах, Кум, Исфахан, Тебриз, Карај, како и ирански поморски објекти во Кенарак на југот од земјата.
Израелските одбранбени сили ги предупредија иранските цивили да се евакуираат од областите во близина на воени локации и објекти пред нападот.
Постојат видеа од Техеран кои покажуваат дека е погодена резиденција во областа Нармак во Техеран, каде што живее поранешниот претседател Махмуд Ахмадинеџад.
Не е јасно дали поранешниот претседател е повреден.
Министерството за внатрешни работи на Иран соопшти дека безбедносните сили се подготвени да го одржат мирот и дека многу болници низ целата земја се во состојба на готовност.