Иранските провладини профили и креатори на содржини сè повеќе ги користат социјалните медиуми, вклучувајќи видеа генерирани од вештачка интелигенција и хумористични видеа, за да ги обликуваат меѓународните перцепции за конфликтот и да одговорат на западните наративи за Иран, покажа анализата.
Се вели дека провладините и дипломатските профили објавуваат вирални видеа, вклучувајќи анимации со вештачка интелигенција и Лего, како и пародии и сатирична содржина насочени кон американскиот претседател Доналд Трамп и западните политички актери, објави Гардијан.
Во анализата беше истакнато дека таквата содржина се шири глобално и постигнува значителен дострел на платформите, и покрај фактот дека во Иран постои ограничување на интернетот и притисок врз домашните медиуми.
Некои академски соговорници проценуваат дека Иран успеал да ја искористи „комуникациската војна“ на социјалните мрежи, ангажирајќи ги помладите генерации креатори на содржини за да ја обликуваат меѓународната перцепција за конфликтот.
Исто така, се наведува дека таков пристап се користи за да се влијае врз глобалниот наратив за конфликтите на Блискиот Исток, вклучувајќи ги прашањата за суверенитетот и односите во регионот, а во исто време се критикува доминацијата на западните медиуми во дефинирањето на сликата за Иран.
Анализата заклучува дека социјалните мрежи стануваат клучна област на современиот политички натпревар, во кој, според авторот на текстот, се одвива паралелна „медиумска војна“ заедно со геополитичките конфликти, пренесува Танјуг.