Земјотрес со јачина од 4,5 степени според Рихтеровата скала го погоди округот Путурге во Малатја, во централниот дел на Турција, соопшти Турската агенција за управување со катастрофи и вонредни состојби (AFAD).
Епицентарот бил на длабочина од 9,39 километри, а земјотресот се случил во 6:43 часот наутро по локално време, објави Анадолија.
Во соопштението на AFAD се наведува дека во моментов нема пријавени последици и дека проценката на ситуацијата на терен по земјотресот е во тек.