Во напад со дронови во Одеса, погодени се медицински установи и станбени згради, а еден 59-годишен маж е убиен, додека четири лица се повредени, објави на Телеграм Олег Кипер, гувернер на Одесскиот регион.
„Исто така, цел на нападот беше и породилната болница“, додаде Кипер, како што објави Би-Би Си.
Во главниот град на Украина, службите за итни случаи интервенираа во четири градски области неколку часа по полноќ, објави на Телеграм градоначалникот на Киев, Виталиј Кличко.
Москва соопшти дека тоа е одмазда за неодамнешните украински напади на руска територија.
Нападите се случија откако украинските сили извршија таен напад со беспилотни летала на 1 јуни, наречен „Операција Пајажина“, против руските воени бази длабоко во Русија.
По тој напад, сегашниот американски претседател Доналд Трамп го повика рускиот претседател Владимир Путин и му рече дека Путин ветил многу силен одговор на нападите.
⚡️:kyiv and odessa hit by russian drone and missile !! #RussiaUkraineWar #Kyiv #Russian #UkraineRussiaWar #Putin #Zelenskyy #odessa #RussianArmy #Moscow #MiaKhalifa pic.twitter.com/h7P06C0gIC
— WAR UPDATES (@FINALBOSS12342) June 10, 2025
Неколку населби беа нападнати истовремено
За време на денешните руски напади, во поголемиот дел од Украина беше прогласена воздушна тревога, покажуваат официјалните мапи, вклучувајќи ги регионите Донецк, Луганск и Харков.
„Засолнете се! Масивниот напад врз главниот град продолжува“, предупреди Кличко на Телеграм.
Шефот на воената администрација во Киев, Тимур Ткаченко, рече дека нападите врз различни населби биле извршени истовремено.
Остатоците од срушените проектили паднале врз неколку згради низ градот, а пожари избувнале и во станбена зграда и магацини, додаде тој.
Во Одеса, според гувернерот Кипер, пациентите и персоналот успеале да ја евакуираат медицинската станица и породилиштето, додека некои амбулантни возила биле оштетени.
Повредените добиваат медицинска помош, рече Кипер. Починатиот 59-годишен маж сè уште не е јавно идентификуван.
A massive (very massive) Russian drone attack on Kyiv.
Our amazing air defense is very hard at work. It is very loud in Kyiv. pic.twitter.com/H1Y3S88Yf5
— Anton Gerashchenko (@Gerashchenko_en) June 9, 2025
Еден ден пред нападот, започната е размена на затвореници.
Нападот се случи еден ден откако започна размената на воени заробеници, во која ќе бидат вратени тешко ранети и болни затвореници, лица под 25 години, како и телата на 12.000 загинати војници.
Украинскиот претседател Володимир Зеленски рече дека размената ќе се одвива во неколку фази, опишувајќи го како сложен процес со многу чувствителни детали.