Американскиот државен секретар Марко Рубио денес ќе се сретне со министрите за надворешни работи на НАТО, објави денес Би-Би-Си.
Рубио планира да патува од Анталија до Истанбул во петок, каде што ќе присуствува на разговори со европските колеги за војната во Украина.
Како што претходно објави Стејт департментот, Рубио ќе присуствува на неформален состанок на министрите за надворешни работи на НАТО во Турција од 14 до 16 мај, на кој ќе се разговара за завршување на војната меѓу Русија и Украина.
Во соопштението се наведува и дека Рубио, пред самитот на НАТО во Хаг во јуни, ќе ја унапреди агендата на претседателот Трамп, „што подразбира дека сојузниците даваат фер придонес во зајакнувањето и ефикасноста на Алијансата“.
Трамп изјави дека европските членки на НАТО треба да ги зголемат своите трошоци за одбрана на пет проценти од бруто домашниот производ (БДП), од сегашните два проценти.