Рускиот претседател Владимир Путин во средата го опиша рушењето на браната Каховка во јужна Украина како „варварски чин“ од страна на Киев, за време на телефонскиот разговор со турскиот претседател Реџеп Таип Ердоган.
„Варварскиот чин чија цел беше уништување на хидроцентралата Каховка во регионот Херсон доведе до голема еколошка и хуманитарна катастрофа“, рече Путин, според соопштението на Кремљ.
Секретарот на рускиот совет за безбедност Николај Патрушев во средата изјави дека САД, Велика Британија и нивните сојузници во НАТО мора „да сносат одговорност“ за уништувањето на браната Каховка, пренесе новинската агенција ТАСС.
Тој рече дека земјите ги „координираат активностите на Украина“ и затоа „дале согласност за бомбардирањето“.
Браната пукна рано во вторникот, испуштајќи вода која поплави големи делови од јужниот дел на украинскиот регион Керсон.
И Украина и Русија меѓусебно се обвинуваат за уништување.
Сите информации поврзани со најновите случувања со војната во Украина можете да ги прочитате ТУКА.